Category: նորություններ

Նվեր Սաֆարյանի անվան 164 դպրոցի հրավերով կազմակերպության Թափոնների տեսակավորման վարչության պատասխանատուներն այցելել են կրթօջախ։ Աշխարհագրություն առարկայի շրջանակում աշակերտները կատարել են նախագծային աշխատանք՝ «Նոր Նորքի 2-րդ զանգվածի հատակագծի կազմումը եւ թափոնամանների նոր կետերի տեղադրումը» թեմայով։ Ներկայացրել են թափոնամանների տեղադրման վայրերի մասին բնակչության շրջանում կատարած հարցումներն ու վերլուծությունները։

Պուշկին փողոցում կենսունակության ավարտին մոտ, խիստ դեֆորմացված հերթական ծառն է տապալվել: Հացենին ընկել է ավտոմեքենայի վրա:

Երեւանի շատրվանները սպասարկելու համար անհրաժեշտ են շատրվանները մաքրող բանվորներ, աշխատավարձը՝ 170․000 դրամ՝ ներառյալ հարկերը եւ պարտադիր այլ վճարները։ Կարող եք զանգահարել 011 51-47-39 հեռախոսահամարով։

Կոնսերվատորիայի հարակից տարածքում շինարարական աշխատանքներ իրականացնելու նպատակով տեղադրված ծածկը երկաթներով ամրացվել էր արևելյան սոսիներին։ ԿՇՄՊ ՀՈԱԿ-ի կողմից զգուշացումից հետո շինարարական ընկերությունը ծառերից հեռացրել է երկաթե ամրակները։

Ագրոանտառը համալրվել է 100 պտղատու՝ ծիրանենի, սալորենի, նշենի ծառատեսակներով։ Այսպիսով` ևս 1 հա ծառապատ է դարձել։

Օրերս, համացանցում, արդեն հայտնի կեղծարարների կողմից տեղադրված է եղել այս լուսանկարը, իբրեւ «ԿՇՄՊ» ՀՈԱԿ-ի կողմից հատված տարածք: Հայտնում ենք, որ սա հերթական ապատեղեկատվությունն է, ավելին՝ նկարը տարիների պատմություն ունի:

Այսօր Խորենացի-Քրիստափոր խաչմերուկում տապալվել է կենսունակության ավարտին մոտ երկու բարդի: Նշենք, աշնանային էտի ժամանակ նշված ծառերը ենթարկվել էին էտման: Իսկ Մաշտոց 46ա հասցեում կրկին կենսունակության ավարտին մոտ հացենին կոտրվել և վնասել է կայանված մեքենան: Բարեբախտաբար տուժողներ չեն եղել: