Ավան վարչական շրջանի սկզբնամասում՝ կամրջի հարակից լանջերին, շուրջ 1,1 հա տարածքի վրա իրականացվել են անտառ-տնկարկի վերականգնման և ընդլայնման աշխատանքներ: Մեկնարկը տրվել է մայիսի սկզբին։ Այսպիսով, կազմակերպությունն ազդարարում է գարնանային վեգետատիվ ժամանակաշրջանի մասսայական տունկի ավարտի մասին։
Սիրահարների զբոսայգում տեղի է ունեցել «Երևան, Վարշավա, Տիրանա մայրաքաղաքների համագործակցությունը վտանգավոր թափոնների կառավարման ընդհանուր մարտահրավերների շուրջ» ԵՄ կողմից ֆինանսավորվող ծրագրի՝ «Բնասիրական դիմակահանես» միջոցառումը: Նպատակը վտանգավոր թափոնների քաղաքային կառավարումն է՝ եռակողմ գործակցությամբ խթանելով գիտելիքների փոխանակումը, վտանգավոր թափոնների կառավարման առկա լավագույն փորձը: Ծրագրին մասնակցել է ԿՇՄՊ ՀՈԱԿ-ի Թափոնների տեսակավորման վարչությունը։
Այսօր, լուսադեմին անբարեխիղճ քաղաքացու մեքենան վնասել է Սայաթ-Նովա պողոտայի նորատունկ Սոսի գնդաձև ծառը: Տեղում համապատասխան մասնագիտական մոտեցում է ցուցաբերվել: Եվս մեկ անգամ հորդորում ենք՝ չվնասել բնությունը և սրտացավ լինել յուրաքանչյուր ծառի ու թփի նկատմամբ: Կազմակերպությունը դեպքին համապատասխան ընթացք է տալու՝ դիմելով ոստիկանություն:
Այսօր Կենտրոն վարչական շրջանում քամու հետևանքով հիմնականում կենսունակության ավարտին մոտ մեծաթիվ ծառեր են տապալվել: Կազմակերպության Կենտրոն,Նորք-Մարաշ ստորաբաժանումն անմիջապես մոբիլիզացվել է:
Աբովյան պուրակից դեպի Սարալանջ հատվածում հեռացվել են Այլանթ ինվազիվ տեսակի ծառեր եւ մի շարք այլ ծառերի կիսաչոր ճյուղեր, որոնք խոչընդոտում էին նոր ավտոբուսների երթեւեկությանը
Նվիրատուի կողմից մատակարարված չոր պարարտանյութով պարարտացվում են ռեկուլտիվացիոն առավել բարդ հատվածների տնկիները: Աշխատանքներն իրականացվում են Ագրոնոմիական բաժնի վերահսկողությամբ:
Պավլովնիան, (Paulownia) կամ Ադամածառը, տերեւաթափ լինող, առատ ծաղկող ծառ է, որը ծագումով Չինաստանից է, տարածվել է Ճապոնիայում, հետագայում ներմուծվել է ԵՎրոպա, որտեղ էլ, ի պատիվ կայսր Պավել Առաջինի աղջկա, անվանվել է Պավլովնիա։ Քանի որ Աննա անվանմամբ բուսական ցեղ արդեն իսկ գոյություն ունեցել է, այդ իսկ պատճառով անվանվել…
2022 թ.-ից մայիսի 12-ը Հայաստանում նշվում է որպես Բույսերի առողջության պաշտպանության օր, ինչպես նաեւ՝ Բույսերի պաշտպանների օր: Ագրարային համալսարանում այս առիթով կազմակերպվել էր նեղ մասնագիտական միջոցառում։ Կազմակերպության Ագրոնոմիական բաժինը ևս հրավիրված էր:
